Форумның төп темалары базарның агымдагы торышы аналитикасы, сату стратегиясе, икътисадый юнәлешләр, шулай ук социология һәм демография мәсьәләләре булды.
16 июньнән 19 июньгә кадәр «Роза Хутор» тау курортында җиденче тапкыр «Движение» Бөтенроссия күчемсез милек форумы уза. Киң колачлы тармак вакыйгасы үз мәйданчыгына 4000нән артык профессионал – девелоперларны, риелторларны, банк секторы һәм бизнес вәкилләрен җыйды.
Чараның эшлекле программасына уннан артык тематик сессия һәм кластерлар керә. Алар арасында – «Тармак барометры» девелоперларның зур сессиясе, «Икътисад басым астында: макрофакторлар гамәлдә» дискуссиясе, шулай ук бөтен илдән күчемсез милек буенча мең ярым иң яхшы агентларны берләштерүче риелтор кластеры. Россия Төзелеш министрлыгы һәм бизнес-бергәлек вәкилләре катнашында төп пленар утырыш 2026 елның 18 июненә планлаштырылган. Шул ук көнне «Кредит бирүдән уртак бизнеска: банклар һәм девелоперлар мөнәсәбәтләренең эволюциясе» финанс конференциясе дә узачак. Форум кысаларында шулай ук төзүчеләрнең, IT-компанияләрнең һәм төзелеш материаллары җитештерүчеләрнең 50дән артык стенды булган ЭКСПО күргәзмәсе эшли.
Форум эшендә ТР Дәүләт экспертизасы делегациясе катнаша.
Бирелгән бәяләмәләр саны буенча Россия Дәүләт эксперт оешмалары арасында лидерлар өчлегенә керүче оешма экспертлары, Экспертлар форумда катнашучыларга проект документациясенә экспертиза өлкәсендә актуаль практикаларны һәм үсеш юнәлешләрен тәкъдим итәчәкләр, цифрлы трансформация мәсьәләләре турында фикер алышачаклар һәм башка төбәкләрдәге хезмәттәшләре белән һөнәри тәҗрибә уртаклашачаклар.
2026 елның 18 июнендә форум кысаларында «Төзелеш әңгәмәсе: хакимият, экспертиза, девелопмент» бизнес-утырышы узачак, анда Татарстан Республикасы Дәүләт экспертизасы директоры Рафар Шакиров «Госэкспертиза ярдәме: куркынычларны киметәбез һәм проектларны эшләтеп җибәрүне тизләтәбез» доклады белән чыгыш ясаячак.
