Төзүчеләр Көненә багышланган бәйрәм чарасы кысаларында Татарстан Республикасы төзелеш тармагының иң яхшы вәкилләрен бүләкләү тантанасы булды.
Татарстан Республикасы төзелеш, архитектура һәм торак-коммуналь хуҗалык министры Марат Айзатуллин Татарстан Республикасы Дәүләт экспертизасы директоры Рафар Шакировка Татарстан Республикасы төзелеш, архитектура һәм торак-коммуналь хуҗалык министрлыгы медален тапшырды. Министрның югары билгесе төбәкнең төзелеш комплексын үстерүдә җитәкче һәм ведомство коллективының казанышларын раслау булды.
Марат Мансурович коллективның иминлекне һәм ышанычлылыкны тәэмин итүдә, шулай ук Татарстан Республикасында объектлар төзү өчен бюджет акчаларын оптимальләштерүдә ирешкән уңышларын билгеләп үтте: «Дәүләт экспертизасы объектның тормыш циклының барлык этапларында да тармакка идарә итүнең нәтиҗәле системасын төзергә ярдәм итеп, күп төрле бурычларны хәл итә.. Бу карарлар кабул иткәндә исәпкә алына торган бердәм компетентлы позиция формалаштырырга мөмкинлек бирә».
Татарстан Республикасы Биектау муниципаль районы башлыгы Равиль Хисамутдинов шулай ук ТР Дәүләт экспертизасы коллективын төзүчеләр көне белән котлады. Ул район объектлары буенча башкарган эшләре өчен рәхмәт белдерде һәм Рафар Шакировка «Татарстан Республикасы Биектау муниципаль районын үстерүдәге казанышлары өчен» медален тапшырды.
Татарстан Республикасы Дәүләт экспертизасы инновацион оешма бүләген һәм статусын алды.
Моннан тыш, ТР Дәүләт экспертизасына инновацияләр һәм үсеш сертификаты тапшыру мөһим вакыйга булды (теркәү номеры no РОСС RU. СРП300063-064). Әлеге сертификат оешманың инновацияләр үсеше өлкәсендә халыкара стандартлар таләпләренә туры килүен раслый (NESTI, МСФО, МСО 210), ул үз эшчәнлегенә инновацион алымнарны актив кертә, биредә киләчәктә технологик үсеш өчен югары квалификацияле персонал эшли.
