Мөрәҗәгать итүчеләрнең актуаль сорауларына ТР Дәүләт экспертизасының Төзелештә бәя кую идарәсе башлыгы урынбасары Лилия Мясоедова җавап бирә.
«Әйтегез әле, зинһар, ресурс-индекс ысулы белән смета төзегәндә светодиодлы яктырткычны монтажлауга нинди бәя кулланырга?»
ҖАВАП:
1-1-1-11 үзгәрешләре белән ФСНБ – 2022 гамәлдәге смета норматив базасында яктылык-диодлы яктырткычларны монтажлауга турыдан-туры нормалар юк. Шуңа бәйле рәвештә ГЭСНм 81-03-08-2022 «Электротехник җайланмалар» (ГЭСНм08)җыентыгының түбәндәге таблицаларыннан адаптацияләнгән бәяләрне куллану рөхсәт ителә:
• ГЭСНм08-03-593-19 — асылмалы түшәмнәрдәге яктырткычлар өчен;
• ГЭСНм08-03-594 — люминесцент лампалы яктырткычлар өчен.
Шул ук вакытта яктылык диодлы элементларның лампа категориясенә кермәвен исәпкә алу мөһим. Димәк, бер шартлы лампалы яктырткычлар өчен нормалар, аларны урнаштыру ысулыннан чыгып сайлана.
Игътибар итәм, ФСНБ-2022гә 12 нче һәм 13 нче үзгәрешләр үз көченә кергәч, яктылык-диодлы яктырткычларны монтажлауга турыдан-туры нормалар кертелде. Алар ГЭСНм08 җыентыгының 3 бүлегенә, 5 бүлегенә кертелгән:
• ГЭСНм08-03-608 — панельле светодиодлы яктырткычлар өчен;
• ГЭСНм08-03-609 — накладнойлар һәм асылмалылар өчен;
• ГЭСНм08-03-610 — урнаштырыла торган модельләр өчен.
Смета документациясен дөрес формалаштыру өчен нормативларның актуаль редакцияләрен кулланырга киңәш итәбез.
