ТР Дәүләт экспертизасының смета документларын тикшерү бүлеге башлыгы Гузель Гильфанова гаиләсендә булачак төзүче үсеп килә, ул үзенең эшен жюри хөкеменә «Иң оригиналь видео-сорау» номинациясендә тәкъдим итә.
Гадәттәгечә, Төзүчеләр көненә Россия Федерациясе Төзелеш һәм торак-коммуналь хуҗалык министрлыгының Иҗтимагый совет тарафыннан ел саен #СпросиСтроителя конкурсы үткәрелә. Проект Балачак унъеллыгы кысаларында тормышка ашырыла һәм инде тугызынчы тапкыр бөтен илдән яшь төзелешне яратучыларны берләштерә. Аның максаты – балалар һәм яшьләрнең игътибарын төзелеш тармагы һөнәрләренә җәлеп итү, аларның әһәмиятен һәм абруен күрсәтү.
ТР дәүләт экспертизасын тәкъдим итү нибары 7 яшьлек яшь экспертка насыйп булды. Роберт беренче яшь төркеменә керде (6 яшьтән 9 яшькә кадәр) һәм сорау әзерләде: «Борынгы заманда төзелеш эремәсенә терлек йонын кушканнар. Нинди хайваннарның йонын эремәгә кушканнар һәм ни өчен шулай эшләгәннәр?»
Төзелеш тарихы бик күп гаҗәеп серләр саклый, һәм бу сорау – үткәнгә күз салу һәм үз белемнәреңне тикшерү өчен менә дигән сәбәп. Ә сез ничек уйлыйсыз?
