Яңа уку елына Татарстан Республикасы Дәүләт экспертизасы сигез мәгариф объекты буенча уңай бәяләмә бирде.
Татарстан Республикасының Кукмара, Агерҗе һәм Биектау районнарында 500 урынга исәпләнгән мәктәпләр барлыкка киләчәк. Буа районында 192 урынлык мәктәп төзеләчәк. Халык күп булу мәсьәләсе кискен торган Бөгелмәдә 2нче лицейга һәм 6нчы мәктәпкә 618 урынлык өстәмә ике корпус төзеләчәк.
Шул ук вакытта мәктәпкәчә инфраструктура да үсә. Биектау авылында 260 урынлык балалар бакчасы һәм Алабугада 220 урынлык балалар бакчасы проекты экспертиза узды.
