РФ Төзелеш министрлыгы 2026 елның IV кварталына Россиянең барлык төбәкләре өчен 1 кв.метр торакның уртача базар бәясен раслады.
Яңа күрсәткечләр буенча Татарстан Республикасында торак урынның гомуми мәйданының 1 кв. метрының уртача базар бәясе 2026 елның IV кварталына 169 604 сум тәшкил итте.
2026 елда бәянең үзгәрүе:
2026 елның III кварталына: кв. м өчен 170 477 сум.
2026 елның II кварталына: кв. м өчен 153 313 сум.
2026 елның I кварталына: кв. м өчен 153 146 сум.
Торак урынның гомуми мәйданының бер квадрат метрының уртача базар бәясеннән 1 кв. метр бәясенең үсеше 2026 елда Татарстан Республикасы буенча 10,74% тәшкил итте.
Квадрат метрның расланган бәясе законда билгеләнгән гражданнар категорияләре өчен дәүләт торак сертификатлары буенча субсидияләр күләмен исәпләү өчен төп күрсәткеч булып тора. Сүз ветераннар, хәрби хезмәткәрләр һәм торак шартларын яхшыртуга мохтаҗ дип танылган гражданнар категорияләре турында бара.
Россия Төзелеш Министрлыгының «2026 елның IV кварталына Россия Федерациясе субъектлары буенча торак урынның гомуми мәйданының бер квадрат метрының уртача базар бәясе турында» 2026 елның 11 сентябрендәге 602/пр номерлы боерыгы
