«Сорау-җавап» рубрикасында безнең экспертлар мөрәҗәгать итүчеләрнең еш сорауларына җавап бирә.
Смета документациясендә коэффициентларны куллану буенча мөрәҗәгать итүчеләрнең актуаль соравына ТР Дәүләт экспертизасының төзелештә бәя кую идарәсе башлыгы урынбасары Лилия Мясоедова җавап бирә.
Сорау: элек 10нчы кушымтада Россия Төзелеш Министрлыгының 2022 елның 7 июлендәге 557/пр номерлы һәм 2024 елның 30 гыйнварындагы 55/пр номерлы боерыклары чыкканчы таблица астында эшләрне башкаруның махсус шартларына коэффициентлар куллану буенча искәрмәләр булган (кысанлык, бер үк вакытта берничә коэффициент куллану). Хәзер бу юк. Бер үк вакытта берничә коэффициентны куллануны аңлатыгыз әле, зинһар.
Җавап: эшләрне башкаруның аерым шартларын исәпкә ала торган коэффициентларны куллану буенча төп күрсәтмәләр РФ территориясендә РФ халыкларының мәдәни мирас объектларын (тарихи һәм мәдәни ядкарьләрен) саклап калу буенча эшләрнең, капиталь төзелеш объектларын төзүнең, реконструкцияләүнең, капиталь ремонтлауның, сүтүнең смета бәясен билгеләү методикасы 52-53. 1 пунктларына күчерелде (Россия Төзелеш Министрлыгының 2020 елның 4 августындагы 421/пр номерлы боерыгы белән расланган). Биредә бер үк вакытта берничә коэффициентны куллану шартлары методикада күрсәтелгән, анда бер үк вакытта берничә коэффициентны куллану рөхсәт ителми. (Методиканың 10нчы кушымтасындагы искәрмәләрнең 2.3 пункты)
Бу кагыйдә 4.1 – 4.6, 5, 7, 8, 10.1, 10.2, 10.3, 11 һәм 14 пунктларда күрсәтелгән коэффициентларга кулланылмый , аларның һәркайсы 2нче таблицада китерелгән башка коэффициент белән кулланылырга мөмкин.
Бер үк вакытта кулланганда смета нормаларын (берәмлек бәяләрне) тәшкил итүче коэффициентлар тапкырлана.
Еш бирелә торган сорауларга җавап, шулай ук «Мөрәҗәгать итүчеләргә» бүлегендә дә файдалы мәгълүмат күп
