Еш бирелә торган сорауларга җаваплар, шулай ук күп башка файдалы мәгълүмат – сайттагы «Мөрәҗәгать итүчеләргә» бүлегендә.
Мөрәҗәгать итүчеләрнең соравына ТР Дәүләт экспертизасының төзелештә бәя кую идарәсе башлыгы урынбасары Лилия Мясоедова җавап бирә.
Сорау: эшчеләрнең һәм машинистларның хезмәт чыгымнарына, торба диварларының калынлыгы нормативтан артып киткәндә торбаүткәргечләрнең тоташтыргычларын монтажлау һәм эретеп ябыштыруга арттыручы коэффициентлар эшләү һәм куллану мөмкинме, мәсәлән, гэснм-12 (20 бүлек) җыентыгы нормаларына?
Җавап: ГЭСНм12 җыентыгының «Нефть-газ эшкәртү комплексы торбаүткәргечләре» 20 бүлегенең смета нормаларында торба диварының калынлыгы ГЭСНм12-20-001 «Нефть-газ эшкәртү комплексы торбаүткәргечләре» таблицасында исәпкә алынганнан артып киткән очраклар өчен махсус коэффициент юк.
Әгәр торбаларның массасындагы аерма 10% тан артып китсә, 1нче таблицадагы төзәтү коэффициентларын куллану рөхсәт ителә – РФ Төзелеш Министрлыгының 2022 елның 14 июлендәге 571/пр номерлы боерыгы белән расланган смета нормаларын куллану методикасының 49-50 пунктлары нигезендә. Торбаның 1 метр массасы буенча белешмә мәгълүматлар җыентыктагы 12.6 кушымтасында китерелгән.
Яраклы смета нормативлары булмаганда йә эшләр технологиясе һәм ресурсларга ихтыяҗ җыентыкларда каралганнан шактый аерылып торганда, билгеләнгән тәртиптә яңа смета нормаларын эшләү һәм раслау рөхсәт ителә (571/пр методикасы һәм РФ Төзелеш Министрлыгының 2020 елның 13 гыйнварындагы 2/пр номерлы боерыгы нигезендә).
